ഏതോ ഒരു ദിവസം രാത്രി ഒമ്പത് ഒമ്പതരക്കാണ്. ആശുപത്രീന്നിറങ്ങി ഹോട്ടലില് കേറി പുട്ടും മട്ടനും ഓര്ഡര് ചെയ്തു കാത്തിരിക്കുമ്പോ ഒരു ഫോണ്
" ഹലോ , ___ ഡോക്ടറല്ലേ "
"ങാ, ആരാ"
"ഞാന് ശശി, ശശിയങ്കിളെയ്"
ഇതാരപ്പോ ശശി തരൂരോ!
"ഇങ്ങളെ ഫാദര് ഇന് ലോന്റെ ദോസ്താ, അനൂനെ ഒക്കെ ചെറുപ്പത്തില് ഞാന് കുറെ എടുത്ത് നടന്നിട്ടുണ്ട്"
ങാ, ആളെ പിടികിട്ടി അമ്മായി അപ്പന്റെ ദോസ്താ, കല്യാണ നിശ്ചയത്തിന് വന്നിട്ട് പുള്ളി പറഞ്ഞ ഹാളില് നടത്താത്തതോണ്ട് പിണങ്ങി പോയതാ, പിന്നെ കണ്ടിട്ടില്ല. ഗള്ഫിലായിരുന്നു. ഇപ്പൊ നാട്ടില് റിട്ടയെട് ലൈഫ്.
പണ്ട് കൊച്ചായിരുന്നപ്പൊ ഭാര്യയെ എടുത്ത് നടന്നതിന്റെ കണക്കൊക്കെ പറയുന്നുണ്ട്. എന്ത് കുരിശാണാവോ
"ആ.. മനസ്സിലായി, എന്തെ വിശേഷം?"
"ഒന്നുല്യാ, വെറുതെ വിളിച്ചതാ"
ആഹാ, എന്നാ പിന്നെ കട്ട് ചെയ്യാല്ലോ. പുട്ട് എത്തി.
"ഓ, എന്നാ ശെരി"
"അല്ല, അതല്ല , ഞാന് വിളിച്ചതേയ്"
"ങ്ങും.."
" ഇങ്ങളിപ്പോ തിരുവന്തോരത്താ ?"
"ആ "
"ഫാമിലിയോ"
"അവളിവിടില്ല, ബോണ്ട് ചെയ്യാ , റൂറല് സര്വീസ് "
"ആ, സര്ക്കാര് ചെലവില് മെറിറ്റില് പഠിച്ചതല്ലേ , കുറച്ചു സാമൂഹിക സേവനം ഒക്കെ വേണല്ലോ, അതല്ലേ സാമൂഹിക പ്രതിബദ്ധത "
"അല്ലാ , ഹരി ഇപ്പൊ എവിടാ?"
പുള്ളീടെ മോനാ, മൂത്തത് ഹരി, എന്റെ സ്കൂള് മേറ്റ് ആയിരുന്നു, ആറീസിയില് നിന്ന് ബിടെക് ചെയ്ത് ഐഐഎമ്മില് നിന്ന് പിജിപി കഴിഞ്ഞ് ബാര്ക്ലയ്സില് അനലിസ്റ്റ് ആണ്.
"ഓനിപ്പോ ലണ്ടനിലാ, നാല് കൊല്ലം ആയി. ഒരു കൊല്ലം കൂടി കഴിഞ്ഞാല് സിറ്റിസന്ഷിപ്പിന് നോക്കണം എന്നാ പറയുന്നത്"
"രവിയോ ?"
ഹരീടെ അനിയന് , മുടി നീട്ടിയ പൊളിച്ച ഫ്രീക്കെന് ആണ്. നല്ല ആര്ട്ടിസ്റ്റ് ആണ്. അവനും എതൊ ഒരു എന്ഐടിയില് ആര്ക്കിറെക്ചര് പഠിച്ചതാ.
"ഓനിപ്പോ ഫ്രാന്സില് ഒരു കമ്പനീല് ഇന്റെര്ണാ. ദുബായില് അമ്മളെ ചില കോണ്ടാക്റ്റ് വെച്ച് കയറിയതാ"
ആഹാ, ഇവന്മാരും സര്ക്കാര് ചിലവിലല്ലേ പഠിച്ചത്. അവര്ക്കൊന്നും വേണ്ടേ ഈ സാമൂഹിക പ്രതിബദ്ധത!
"എന്നാ ശരി"
" അല്ല, ഞാന് വിളിച്ചതേ. ഒരു സെകന്റ് ഒപിനിയന് ചോദിക്കാനാ ."
പുട്ടിന്റെ ആവി കുറഞ്ഞു തുടങ്ങി.
"ങ്ങും"
"എനിക്ക് ഞ്ചാറു ദിവസമായി ഒരു തലവേദന"
അപ്പൊ അതാണ് കാര്യം
"എന്തേ മൈഗ്രെയിന് ഉണ്ടോ?"
"ഏയ് അതൊന്നുല്ല്യ , രാവിലെ എണീക്കുമ്പോ ഭയങ്....ങ്..കര തലവേദനയാ "
"മരുന്നൊന്നും കഴിച്ചില്ലേ?"
"ആ, ഞാന് അമ്മളെ ബ്രുഫന് കഴിച്ചതാ , കുറഞ്ഞീല"
"ആരേലും കാണിച്ചോ, ഞാന് സര്ജറി ആണ് , നമ്മള് ഇതിന്റെ ആള് അല്ല "
"കാണിച്ചി... അതല്ലേ ., ഞാന് മിംസില് പോയി. അമ്മളെ ഒരു സുഹൃത്തിന് പണ്ടിത് പോലെ തല വേദന വന്നപ്പോ ഓപ്പറേഷന് ചെയ്ത ഒരു ആലുക്കാസ് ഡോക്ടര് ഉണ്ടേയ്"
ആലുക്കാസ് അല്ല, ആലപ്പാട്, പുള്ളി ന്യുറോസര്ജറി പ്രൊഫസര് ആയിരുന്നല്ലോ. തലവേദനക്ക് ഇയാള് നേരെ ന്യുറോ സര്ജന്റെ അടുത്താണോ പോയത്!
"എന്നിട്ട്"
"പുള്ളി കുറച്ചീസം ലീവാ . അവിടത്തെ ജൂനിയര് ഡോക്ടറോട് പറഞ്ഞപ്പോ കുഴപ്പമില്ല എന്നാ പറഞ്ഞേ , പിന്നെ ഞാന് പ്രശ്നം ഒന്നുമില്ലാന്ന് ഗ്യാരണ്ടി ഉണ്ടോ എന്ന് ചോദിച്ചപ്പോ പുള്ളി ഒരു സിടി സ്കാന് എടുക്കാന് പറഞ്ഞു"
എവിടെന്സ് ബെയ്സ്ഡ് മെഡിസിന്, ക്ലിനിക്കല് ജഡ്ജ്മെന്റ് വെച്ച് ഒന്നൂല്ല്യ എന്ന് പറഞ്ഞിട്ട് പിന്നെ വല്ലോം വന്നാല് കേസും കൂട്ടവും ആയി വരുന്നതിലും നല്ലതാ ഒരു സിടി
"സ്കാനില് പ്രശ്നമുണ്ടോ?"
"ഹേയ് അത് നോര്മലാ"
"എന്നിട്ട്"
"എന്തായാലും ഒപറേഷന് ചെയ്യാന് ഉള്ള അസുഖം ഒന്നുമില്ല , വേണേല് ഒരു ന്യുറോളജിസ്ടിനെ കാണിക്കാന് പറഞ്ഞു"
എന്റെ പുട്ട്....
ഏതായാലും കറി ഒഴിച്ച് പൊടിചെക്കാം
"പിന്നെ ഞാന് അമ്മളെ കോപ്പറെറ്റീവിലെ ബാലസുബ്രമണ്യനെ കണ്ട്"
നമ്മള് മമ്മൂട്ടി മോഹന്ലാല് എന്നൊക്കെ പറയുന്ന പോലെ മടിയില് ഇരുത്തി ഇട്ട പോലെയാണ്പൊതുവേ നാട്ടുകാര് സീനിയര് ഡോക്ടര്മാരുടെ പേര് പറയുക. സിനിമയിലുള്ളവര്ക്ക് ഇക്കാ അല്ലേല് ഏട്ടന് എന്ന് കൂട്ടിയില്ലേല് തോന്നുന്ന അരോചകത്വം പോലെയാണ് സിനിയര് ഡോക്ടര്മാരെ സര് എന്നോ ഡോക്ടര് എന്നോ കൂട്ടാതെ പറയുമ്പോ നമുക്ക് തോന്നുക
"പുള്ളീം കുഴപ്പമില്ല എന്നാ പറഞ്ഞെ, ഈയെന്ടി ആരേലും കാണിക്കാന് പറഞ്ഞു . സിടിയിലെ സൈനസ് ഇത്തിരി നീര്ക്കെട്ടുള്ള പോലെ തോന്നി അത്രേ"
ഒരു വിധം സീട്ടീലൊക്കെ സൈനസ് കന്ജഷന് കാണും
"എന്നിട്ട്"
"ഞാന് അമ്മളെ സുഭാഷ് ഇഎന്ടിയെ കണ്ട്"
"ഓഹോ"
ഒരു പപ്പടം കൂടി പുട്ടിന്റെ മോളില് ഇട്ട് ഒന്ന് ഞെരിച്ച്. ഇതിപ്പോ തീരുന്ന ലക്ഷണം ഇല്ല
"ഓന് സ്കോപ്പി ഒക്കെ ചെയ്ത് മൂക്കില് കുഴപ്പം ഒന്നൂല്ല എന്ന് പറഞ്ഞ് ചിലപ്പോ കണ്ണാടി മാറ്റിയാ ശരിയാവും എന്ന് പറഞ്ഞു."
ക്ഷമ നശിച്ച ഞാന് ഒരു പിടി വായിലിട്ട്
"ങ്ങും...ഊം "
"അങ്ങനെ ഞാന് നടക്കാവിലെ ചന്ദ്രദാസിനെ കണ്ട്, കണ്ണാട ഒരു 0.25പവര് കൂട്ടാന് പറഞ്ഞു. വേറെ ഒന്നൂല്ലത്രേ "
0.25 ന് തലവേദന വരില്ലല്ലോ
"എന്നിട്ട്"
മട്ടന് പീസ് എടുത്ത് വായിലിട്ട്
"എന്നിട്ടെന്താ , തലവേദന മാത്രം മാറീല്ല, ഞാനിനിപ്പൊ ആരെയാ കാട്ടണ്ടത് ? "
"ഇവരാരും ഒരു മരുന്നും തന്നില്ലേ "
"ഇല്ല "
അങ്ങനെ വരുമോ, ചുരുങ്ങിയ പക്ഷം എന്തേലും കൊടുക്കുമല്ലോ
"ഒന്നും?!"
"അല്ല , ഒന്ന് രണ്ടു പേര് തലവേദന കൂടുതല് ആണേല് ഡോളോ കഴിക്കാന് പറഞ്ഞ് "
"അത് കഴിച്ചിട്ടോ ?"
"അത് ഞാന് കഴിച്ചില്ല"
"ങേ, അതെന്തേ ?"
"അല്ല, അത് നിരോധിച്ച മരുന്നാ എന്നല്ലേ മാധ്യമത്തില് കണ്ടത്, അതോണ്ട് ഞാന് കഴിച്ചീല "
"മരുന്നല്ലല്ലോ, അതിന്റെ കൊമ്പിനേഷന് അല്ലെ നിരോധിച്ചത്, അത് കഴിച്ചാല് പ്രശ്നം ഒന്നൂല്ല."
"ഇല്ലേ"
"ഇല്ല, മരുന്ന് കഴിക്കാണ്ട് എങ്ങനെ മാറാനാ "
"പാരസെറ്റമോള് കഴിച്ചാല് ലിവര് പോകൂല്ലേ ?"
" ആ, ഒരു പത്ത് മുപ്പതെണ്ണം ഒരുമിച്ച് കഴിച്ചാല്"
"അപ്പൊ അത് പ്രശ്നം അല്ലേ?"
"അതിപ്പോ ഒരു ഇരുപത് ലിറ്റര് വെള്ളം ഒറ്റയിരിപ്പിനു കുടിച്ചാലും മരിച്ചു പോകൂല്ലേ?"
"ശരിയാണല്ലോ"
"ആ.."
"അപ്പൊ ഇനി ആരെയും കാണിക്കണ്ടേ?"
"കൃഷ്ണന് കുട്ടി സാര് ഇപ്പോളും അവിടില്ലേ?"
വളരെ സീനിയര് ആയ ഒരു ഫാമിലി ഫിസിഷ്യനാ
"ഓന് എംബിബിഎസ്സല്ലേ"
"ഒന്ന് കാണിക്കെന്നെ, സ്പെശ്യാലിടിയില് എത്തി കഴിഞ്ഞാല് പിന്നെ സ്വന്തം വിഷയത്തിലെ വളരെ കുറച്ചു ഡിഫ്രന്ഷ്യല് ഡയഗ്നോസിസ് മാത്രേ ആലോചിക്കൂ. പുള്ളി നോക്കി പരിശോധിച്ച് ആരേലും കാണിക്കാന് പറഞ്ഞാല് കാണിച്ചാല് മതി"
പുറകില് എവിടെയോ എന്തോ കമന്ററി കേള്ക്കാം
"അങ്കിളേ കളി കാണുവാണോ?"
"ഇപ്പൊ വേറെ എന്ത് പണി. ഇങ്ങള് കാണാറില്ലേ , ഇന്ന് മാന് യു ന്റെ കളി ഉണ്ട്"
"എത്ര മണിക്കാ ?"
"2 മണി "
"എത്രീസായി ഇപിഎല് തുടങ്ങീട്ട്?
" ഒരാഴ്ച?
"തലവേദനയോ?"
"അതും"
ആഹാ, പത്തറുപത് വയസ്സായാല് മനുഷ്യന്മാര് രാത്രി കിടന്നുറങ്ങണം മനുഷ്യാ...
"അങ്കിളേ , ആ ടോപ് ബോക്സില് റെക്കോര്ഡ് ഇല്ലേ."
"ഉണ്ട്"
"ഒരാഴ്ച രാത്രി ഉറങ്ങീട്ട് റെക്കോര്ഡ് ചെയ്ത് രാവിലെ കണ്ടു നോക്ക്, ചിലപ്പോ തലവേദന മാരിയാല്ലോ "
"അപ്പൊ അതാവും ല്ലേ?"
"ആവാം"
"ഒരാരും ഇത് പറഞ്ഞീലല്ലോ?"
"ഉറക്കം ഒഴിക്കുന്ന കാര്യം അവരോടു പറഞ്ഞിരുന്നോ?"
"ഇല്ലാ.."
"ങാ"
"എന്നാ ശരി"
"ശരി, നോക്കീട്ട് വിളിക്കി "
"ആയ്ക്കോട്ടെ "
ഫോണ് കട്ട് ചെയ്ത് ഞാന് ആറി തണുത്ത പുട്ട് പതിയെ കുഴച്ച് വായിലേക്കിട്ടു.
" ഹലോ , ___ ഡോക്ടറല്ലേ "
"ങാ, ആരാ"
"ഞാന് ശശി, ശശിയങ്കിളെയ്"
ഇതാരപ്പോ ശശി തരൂരോ!
"ഇങ്ങളെ ഫാദര് ഇന് ലോന്റെ ദോസ്താ, അനൂനെ ഒക്കെ ചെറുപ്പത്തില് ഞാന് കുറെ എടുത്ത് നടന്നിട്ടുണ്ട്"
ങാ, ആളെ പിടികിട്ടി അമ്മായി അപ്പന്റെ ദോസ്താ, കല്യാണ നിശ്ചയത്തിന് വന്നിട്ട് പുള്ളി പറഞ്ഞ ഹാളില് നടത്താത്തതോണ്ട് പിണങ്ങി പോയതാ, പിന്നെ കണ്ടിട്ടില്ല. ഗള്ഫിലായിരുന്നു. ഇപ്പൊ നാട്ടില് റിട്ടയെട് ലൈഫ്.
പണ്ട് കൊച്ചായിരുന്നപ്പൊ ഭാര്യയെ എടുത്ത് നടന്നതിന്റെ കണക്കൊക്കെ പറയുന്നുണ്ട്. എന്ത് കുരിശാണാവോ
"ആ.. മനസ്സിലായി, എന്തെ വിശേഷം?"
"ഒന്നുല്യാ, വെറുതെ വിളിച്ചതാ"
ആഹാ, എന്നാ പിന്നെ കട്ട് ചെയ്യാല്ലോ. പുട്ട് എത്തി.
"ഓ, എന്നാ ശെരി"
"അല്ല, അതല്ല , ഞാന് വിളിച്ചതേയ്"
"ങ്ങും.."
" ഇങ്ങളിപ്പോ തിരുവന്തോരത്താ ?"
"ആ "
"ഫാമിലിയോ"
"അവളിവിടില്ല, ബോണ്ട് ചെയ്യാ , റൂറല് സര്വീസ് "
"ആ, സര്ക്കാര് ചെലവില് മെറിറ്റില് പഠിച്ചതല്ലേ , കുറച്ചു സാമൂഹിക സേവനം ഒക്കെ വേണല്ലോ, അതല്ലേ സാമൂഹിക പ്രതിബദ്ധത "
"അല്ലാ , ഹരി ഇപ്പൊ എവിടാ?"
പുള്ളീടെ മോനാ, മൂത്തത് ഹരി, എന്റെ സ്കൂള് മേറ്റ് ആയിരുന്നു, ആറീസിയില് നിന്ന് ബിടെക് ചെയ്ത് ഐഐഎമ്മില് നിന്ന് പിജിപി കഴിഞ്ഞ് ബാര്ക്ലയ്സില് അനലിസ്റ്റ് ആണ്.
"ഓനിപ്പോ ലണ്ടനിലാ, നാല് കൊല്ലം ആയി. ഒരു കൊല്ലം കൂടി കഴിഞ്ഞാല് സിറ്റിസന്ഷിപ്പിന് നോക്കണം എന്നാ പറയുന്നത്"
"രവിയോ ?"
ഹരീടെ അനിയന് , മുടി നീട്ടിയ പൊളിച്ച ഫ്രീക്കെന് ആണ്. നല്ല ആര്ട്ടിസ്റ്റ് ആണ്. അവനും എതൊ ഒരു എന്ഐടിയില് ആര്ക്കിറെക്ചര് പഠിച്ചതാ.
"ഓനിപ്പോ ഫ്രാന്സില് ഒരു കമ്പനീല് ഇന്റെര്ണാ. ദുബായില് അമ്മളെ ചില കോണ്ടാക്റ്റ് വെച്ച് കയറിയതാ"
ആഹാ, ഇവന്മാരും സര്ക്കാര് ചിലവിലല്ലേ പഠിച്ചത്. അവര്ക്കൊന്നും വേണ്ടേ ഈ സാമൂഹിക പ്രതിബദ്ധത!
"എന്നാ ശരി"
" അല്ല, ഞാന് വിളിച്ചതേ. ഒരു സെകന്റ് ഒപിനിയന് ചോദിക്കാനാ ."
പുട്ടിന്റെ ആവി കുറഞ്ഞു തുടങ്ങി.
"ങ്ങും"
"എനിക്ക് ഞ്ചാറു ദിവസമായി ഒരു തലവേദന"
അപ്പൊ അതാണ് കാര്യം
"എന്തേ മൈഗ്രെയിന് ഉണ്ടോ?"
"ഏയ് അതൊന്നുല്ല്യ , രാവിലെ എണീക്കുമ്പോ ഭയങ്....ങ്..കര തലവേദനയാ "
"മരുന്നൊന്നും കഴിച്ചില്ലേ?"
"ആ, ഞാന് അമ്മളെ ബ്രുഫന് കഴിച്ചതാ , കുറഞ്ഞീല"
"ആരേലും കാണിച്ചോ, ഞാന് സര്ജറി ആണ് , നമ്മള് ഇതിന്റെ ആള് അല്ല "
"കാണിച്ചി... അതല്ലേ ., ഞാന് മിംസില് പോയി. അമ്മളെ ഒരു സുഹൃത്തിന് പണ്ടിത് പോലെ തല വേദന വന്നപ്പോ ഓപ്പറേഷന് ചെയ്ത ഒരു ആലുക്കാസ് ഡോക്ടര് ഉണ്ടേയ്"
ആലുക്കാസ് അല്ല, ആലപ്പാട്, പുള്ളി ന്യുറോസര്ജറി പ്രൊഫസര് ആയിരുന്നല്ലോ. തലവേദനക്ക് ഇയാള് നേരെ ന്യുറോ സര്ജന്റെ അടുത്താണോ പോയത്!
"എന്നിട്ട്"
"പുള്ളി കുറച്ചീസം ലീവാ . അവിടത്തെ ജൂനിയര് ഡോക്ടറോട് പറഞ്ഞപ്പോ കുഴപ്പമില്ല എന്നാ പറഞ്ഞേ , പിന്നെ ഞാന് പ്രശ്നം ഒന്നുമില്ലാന്ന് ഗ്യാരണ്ടി ഉണ്ടോ എന്ന് ചോദിച്ചപ്പോ പുള്ളി ഒരു സിടി സ്കാന് എടുക്കാന് പറഞ്ഞു"
എവിടെന്സ് ബെയ്സ്ഡ് മെഡിസിന്, ക്ലിനിക്കല് ജഡ്ജ്മെന്റ് വെച്ച് ഒന്നൂല്ല്യ എന്ന് പറഞ്ഞിട്ട് പിന്നെ വല്ലോം വന്നാല് കേസും കൂട്ടവും ആയി വരുന്നതിലും നല്ലതാ ഒരു സിടി
"സ്കാനില് പ്രശ്നമുണ്ടോ?"
"ഹേയ് അത് നോര്മലാ"
"എന്നിട്ട്"
"എന്തായാലും ഒപറേഷന് ചെയ്യാന് ഉള്ള അസുഖം ഒന്നുമില്ല , വേണേല് ഒരു ന്യുറോളജിസ്ടിനെ കാണിക്കാന് പറഞ്ഞു"
എന്റെ പുട്ട്....
ഏതായാലും കറി ഒഴിച്ച് പൊടിചെക്കാം
"പിന്നെ ഞാന് അമ്മളെ കോപ്പറെറ്റീവിലെ ബാലസുബ്രമണ്യനെ കണ്ട്"
നമ്മള് മമ്മൂട്ടി മോഹന്ലാല് എന്നൊക്കെ പറയുന്ന പോലെ മടിയില് ഇരുത്തി ഇട്ട പോലെയാണ്പൊതുവേ നാട്ടുകാര് സീനിയര് ഡോക്ടര്മാരുടെ പേര് പറയുക. സിനിമയിലുള്ളവര്ക്ക് ഇക്കാ അല്ലേല് ഏട്ടന് എന്ന് കൂട്ടിയില്ലേല് തോന്നുന്ന അരോചകത്വം പോലെയാണ് സിനിയര് ഡോക്ടര്മാരെ സര് എന്നോ ഡോക്ടര് എന്നോ കൂട്ടാതെ പറയുമ്പോ നമുക്ക് തോന്നുക
"പുള്ളീം കുഴപ്പമില്ല എന്നാ പറഞ്ഞെ, ഈയെന്ടി ആരേലും കാണിക്കാന് പറഞ്ഞു . സിടിയിലെ സൈനസ് ഇത്തിരി നീര്ക്കെട്ടുള്ള പോലെ തോന്നി അത്രേ"
ഒരു വിധം സീട്ടീലൊക്കെ സൈനസ് കന്ജഷന് കാണും
"എന്നിട്ട്"
"ഞാന് അമ്മളെ സുഭാഷ് ഇഎന്ടിയെ കണ്ട്"
"ഓഹോ"
ഒരു പപ്പടം കൂടി പുട്ടിന്റെ മോളില് ഇട്ട് ഒന്ന് ഞെരിച്ച്. ഇതിപ്പോ തീരുന്ന ലക്ഷണം ഇല്ല
"ഓന് സ്കോപ്പി ഒക്കെ ചെയ്ത് മൂക്കില് കുഴപ്പം ഒന്നൂല്ല എന്ന് പറഞ്ഞ് ചിലപ്പോ കണ്ണാടി മാറ്റിയാ ശരിയാവും എന്ന് പറഞ്ഞു."
ക്ഷമ നശിച്ച ഞാന് ഒരു പിടി വായിലിട്ട്
"ങ്ങും...ഊം "
"അങ്ങനെ ഞാന് നടക്കാവിലെ ചന്ദ്രദാസിനെ കണ്ട്, കണ്ണാട ഒരു 0.25പവര് കൂട്ടാന് പറഞ്ഞു. വേറെ ഒന്നൂല്ലത്രേ "
0.25 ന് തലവേദന വരില്ലല്ലോ
"എന്നിട്ട്"
മട്ടന് പീസ് എടുത്ത് വായിലിട്ട്
"എന്നിട്ടെന്താ , തലവേദന മാത്രം മാറീല്ല, ഞാനിനിപ്പൊ ആരെയാ കാട്ടണ്ടത് ? "
"ഇവരാരും ഒരു മരുന്നും തന്നില്ലേ "
"ഇല്ല "
അങ്ങനെ വരുമോ, ചുരുങ്ങിയ പക്ഷം എന്തേലും കൊടുക്കുമല്ലോ
"ഒന്നും?!"
"അല്ല , ഒന്ന് രണ്ടു പേര് തലവേദന കൂടുതല് ആണേല് ഡോളോ കഴിക്കാന് പറഞ്ഞ് "
"അത് കഴിച്ചിട്ടോ ?"
"അത് ഞാന് കഴിച്ചില്ല"
"ങേ, അതെന്തേ ?"
"അല്ല, അത് നിരോധിച്ച മരുന്നാ എന്നല്ലേ മാധ്യമത്തില് കണ്ടത്, അതോണ്ട് ഞാന് കഴിച്ചീല "
"മരുന്നല്ലല്ലോ, അതിന്റെ കൊമ്പിനേഷന് അല്ലെ നിരോധിച്ചത്, അത് കഴിച്ചാല് പ്രശ്നം ഒന്നൂല്ല."
"ഇല്ലേ"
"ഇല്ല, മരുന്ന് കഴിക്കാണ്ട് എങ്ങനെ മാറാനാ "
"പാരസെറ്റമോള് കഴിച്ചാല് ലിവര് പോകൂല്ലേ ?"
" ആ, ഒരു പത്ത് മുപ്പതെണ്ണം ഒരുമിച്ച് കഴിച്ചാല്"
"അപ്പൊ അത് പ്രശ്നം അല്ലേ?"
"അതിപ്പോ ഒരു ഇരുപത് ലിറ്റര് വെള്ളം ഒറ്റയിരിപ്പിനു കുടിച്ചാലും മരിച്ചു പോകൂല്ലേ?"
"ശരിയാണല്ലോ"
"ആ.."
"അപ്പൊ ഇനി ആരെയും കാണിക്കണ്ടേ?"
"കൃഷ്ണന് കുട്ടി സാര് ഇപ്പോളും അവിടില്ലേ?"
വളരെ സീനിയര് ആയ ഒരു ഫാമിലി ഫിസിഷ്യനാ
"ഓന് എംബിബിഎസ്സല്ലേ"
"ഒന്ന് കാണിക്കെന്നെ, സ്പെശ്യാലിടിയില് എത്തി കഴിഞ്ഞാല് പിന്നെ സ്വന്തം വിഷയത്തിലെ വളരെ കുറച്ചു ഡിഫ്രന്ഷ്യല് ഡയഗ്നോസിസ് മാത്രേ ആലോചിക്കൂ. പുള്ളി നോക്കി പരിശോധിച്ച് ആരേലും കാണിക്കാന് പറഞ്ഞാല് കാണിച്ചാല് മതി"
പുറകില് എവിടെയോ എന്തോ കമന്ററി കേള്ക്കാം
"അങ്കിളേ കളി കാണുവാണോ?"
"ഇപ്പൊ വേറെ എന്ത് പണി. ഇങ്ങള് കാണാറില്ലേ , ഇന്ന് മാന് യു ന്റെ കളി ഉണ്ട്"
"എത്ര മണിക്കാ ?"
"2 മണി "
"എത്രീസായി ഇപിഎല് തുടങ്ങീട്ട്?
" ഒരാഴ്ച?
"തലവേദനയോ?"
"അതും"
ആഹാ, പത്തറുപത് വയസ്സായാല് മനുഷ്യന്മാര് രാത്രി കിടന്നുറങ്ങണം മനുഷ്യാ...
"അങ്കിളേ , ആ ടോപ് ബോക്സില് റെക്കോര്ഡ് ഇല്ലേ."
"ഉണ്ട്"
"ഒരാഴ്ച രാത്രി ഉറങ്ങീട്ട് റെക്കോര്ഡ് ചെയ്ത് രാവിലെ കണ്ടു നോക്ക്, ചിലപ്പോ തലവേദന മാരിയാല്ലോ "
"അപ്പൊ അതാവും ല്ലേ?"
"ആവാം"
"ഒരാരും ഇത് പറഞ്ഞീലല്ലോ?"
"ഉറക്കം ഒഴിക്കുന്ന കാര്യം അവരോടു പറഞ്ഞിരുന്നോ?"
"ഇല്ലാ.."
"ങാ"
"എന്നാ ശരി"
"ശരി, നോക്കീട്ട് വിളിക്കി "
"ആയ്ക്കോട്ടെ "
ഫോണ് കട്ട് ചെയ്ത് ഞാന് ആറി തണുത്ത പുട്ട് പതിയെ കുഴച്ച് വായിലേക്കിട്ടു.
No comments:
Post a Comment